Kuch Baatein....

Mere Khat
**********************************************************
"Aaj jab maine uthaye apne saare khat
jalane ke liye
to ve bole mujhse
mat jalao humein,mat satao humein
satao us bewaffa ko jaker
kya milega tumhe humko jalaker.
Maine kaha dekhta hoon tumhe
to yaad aati hai wo judai
jab hoge hi nahin tum to
kaise yaad aayegi uski bewaffai
Achanak chillaya uska pahla khat
"Gar jalakar humein tum bhool jaoge use
To beshak jala do humein
Magar ek wada karo ,
humein jalane ke baad
humari raakh main
tum dhoondhege nahin
uske haathon se likha wo
tumahara naam,
ya uska bewaffai bhara wo
aakhiri paigam""**********************************************************
"Pratham Pyer"
**********************************************************pata nahin kaun ho tum meri
kis janam ka hai ye bandhan
kyun milti ho mujhse
kyun phir chali jati ho
kyun mujhe sirf tum
sirf tum yaad aati ho..
main tumhare deewano main
ek adna sa deewana hoon
--
chaand jaisa awara nahin hoon
jo raaton main tumhre gher
ke chakker lagaon
pawan jaisa beshram bhi nahin hoon
jo tumhre tan ko spersh kerta
hua chala jaon
samander nahin hoon,jisse kerti
hogi tum baaten
un sitaron main se koi bhi
sitara nahin hoon
jinhe ginti hogi tum
saari saari raaten
wo phool nahin ho jiski penkhuri
tod tod ker girati hogi tum
jab kabhi mere baare main sonchte hue
apne gher ke chakker lagati hogi tum
mujhse kahin achha hai tumhara
wo dupattajo chodta na hoga tumhe ,
chahekarti hogi kitne yatan
aur wo tumhre haathon ke kangan
tumhe swapna se uthate honge
jab kabhi sote hue tumhre
haath aapas main lad jaate honge
wo darpan tumhe roz hi dekhta hoga
jab karti hogi tum shringaar
per main tumhe sayad hi dekh paon is
jeevan main e mere pratham pyar........
dharati bhi kabhi aasmaa se mil nahin pati
per kshitiz in dono ko milata hai,
samnder bhi do kinaron ko paas lata hai
ab dekhna hai ki wo mera iswar
mujhe tumse milwata hai
ya youn hi ek gareeb ko wirah
ki aag main jalata hai...**********************************************************
Main
**********************************************************Aaj kisi ki yaad aayi
do aansoo bhi gire
aur na jaane kahan kho gaye
main bus dhoondhata raha farsh
per unke nishaan
per kuch na mila
tab uthayi maine apni
purani ek diary
aur dhoondhana suru kiya
uska naam
per kuch panne gayab
mile,aur
nahin mila uska naam bhi
kuch shabd dikhe jo ki
itne berahmi se kaate gaye the
ki unhe padhpana namumkin tha....
tabhi mann main khayal aaya
ki uski ek tasveer
thi mere paas
maine poori almaari chaan daali,
briefcase chaan dala,
apne kamre ka har ek
kona chaan dala,
tab mili ek tasveer aur
wo bhi mere takiye ke neeche se
per............
per ye to 'main' tha
wahi purana 'main'**********************************************************